مراحل تطوير الالعاب
في مراحل كتير جدا لتطوير اي لعبة وطبعا لازم اي لعبة انتاجها ضخم يشتغل عليها عدد كبير جدا من الناس ده غير الناس الي هتكتب القصة ومصممي الجرافكس وتسجيل الأداء الصوتي ده غير عدد الاختبارات الي بتمر بيها اللعبة علشان تتأكد ان اغلب الاخطاء اتصلحت.
ـــــــــــــــــــــــــــــــــــــــــــــــــــــــ
طيب في كام مرحلة بتمر بيها اي لعبة ؟؟
pre alpha اول مرحلة ودي بتبقى في مرحلة تطوير اولي تماما تلاقي انهم لسة بيبنوا الشخصيات تلاقي العالم لونه ابيض متلاقيش انه لسة العبة بقا اسمها لعبة اصلا.
alpha ودي تعتبر المرحلة الثانية وهي نسخة بعد الـpre alpha بتكون لسة قيد التطوير وبيكون فيها مشاكل كتير جدا لأنها تتعبر في الاول لاكن المشاكل دي بتتصلح في المستقبل لاكن يبقا على الأقل تكون العبة حصل فيها شوية تطورات.
beta المرحلة الثالثة وهي نسخة بعد الـ alpha بفترة تكون فيها اغلب المشاكل اتصلحت وفي المرحلة دي غالبا اللعبة بتكون تحت الاختبار عن طريق حاجتين الـ Closed Beta واللي الشركة المنتجة للعبة نفسها بترسل اكواد للاعبين علشان يجربوا اللعبة ويختبروها بنفسهم او الـ open beta اللي اللاعبين يقدروا يحملوا اللعبة علشان يجربوها ويشوفو لو شغالة كويس ولا لأ او بطريقة تانية انها تخلي الموظفين الي شغالين في الشركة نفسهم يختبروا اللعبة,وبالمناسبة alpha و beta هي اول حرفين من اللغة اليونانية.
الـ Demo ودي مش دايما تبقا موجودة لان هدفها التشويق بس وفيها اللعبة تقريبا تقدر تقول انها خلصت وبتنزل الديمو علشان تحمس الناس انها تشتري اللعبة وفي العادة الديمو بيجي قبل اصدار العبة باسبوعين او شهر تقريبا
اعادة اصدار اللعبة
دلوقتي انت ممكن تسأل نفسك ايه هدف الشركات من اعادة اصدار لعبة مرتين ؟؟
الهدف هو بالتأكيد انها تكسب فلوس من غير ما تبذل مجهود كبير جدا وتكون كسبت من نفس الفكرة مرتين.
الـ Remake واللي هو اعادة انشاء للعبة القديمة بس بتعيد اصدارها تاني بتفاصيل اكثر ورسومات اكثر تطورا واصوات افضل وزيادة وضوح المجسمات والجرافكس الخ.....
الـRemaster ودي ان الشركة مش بتعيد تصميم العبة القديمة تاني من البداية لا هي بتاخد العبة القديمة زي ما هي وتنزلها على جهاز احدث مع زيادة الجرافكس بس وده زي ما شفنا في dmc definitive edition اللي نزلت على الـ PS4 والـ Xbox one.
Sequel وده مفهوم ملهوش علاقة بالأتنين الي فوق دول وفيه بيتم اصدار جزء جديد من سلسة والقصة في الجزء دا بتبقى بعد قصة الجزء السابق فقط.
Reboot وفيه بيتم اصدار جزء جديد من سلسلة لاكن متبقاش ليها علاقة بالجزء الي فات تبقى الشخصيات مختلفة القصة مختلفة شكل البطل مختلف الشخصيات الصديقة للبطل مختلفة العالم مختلف كل حاجة تبقى مختلفة.
وبكدة تكون هي دي اغلب مراحل تطوير الالعاب.
إشترك بالنشرة البريدية
تحويل كود إخفاء محول الأكواد الإبتسامات إخفاء