استغلال الناشر للمطور والمطورين المستقلين

هناك نوعان من شركات انتاج الالعاب المطور او الـ Developer والناشر او الـ Publisher

المطور وظيفته انه يطور ويصنع اللعبة بشكل كامل ويجهزها للعب , والناشر وظيفته انه يدفع فلوس للمطور علشان يصنع اللعبة ووظيفته انه يسوق للعبة في كل مكان سواء في المواقع في المجلات في الكتب او حتى على اللوح الأعلانية المهم هو انه ينشر اللعبة بقدر المستطاع .

وبما ان الناشر هو اللي بيدفع الكمية الاكبر من الفلوس بالتالي هو اللي بيأخذ النسبة الاكبر من ارباح اللعبة . علشان كدا بتكون دايما افكار الالعاب متناقلة ومشابهة لان الناشر بيجبر المطور انه يصنع لعبة حتى لو كانت تشبه اللعبة الي قبلها علشان يضمن ارباح اللعبة. والمطور هيعمل الحاجة اللي الناشر بيقول عليها حتى لو كانت مش عاجباه لان الناشر هو اللي بيدفعله علشان يطور اللعبة ويديله جزء من ارباحها.

طبعا تحكم الناشر في المطور شئ مزعج جدا بالنسبة للمطورين وده هو سبب وجود المطورين المستقلين

او الـ independent developers اختصارها الـ indie developers

المطور المستقل هو شخص مل من تحكم الناشر فيه فأنفصل عن الشركة الي كان شغال فيها واشتغل لوحده او ممكن يكونوا مجموعة من المطورين وفي العادة تكون الألعاب الي يقدموها مميزة جدا لوجود افكار جديدة فيها زي لعبة minecraft , paper please , game dev taycoon مثلا.

وفي الوقت الحالي في طرق مختلفة لمساعدة المطورين المستقلين مثل برنامج steam early access وهو عبارة عن برنامج يوفره متجر steam وفكرته تتمثل في ان يقوم مطور مستقل بعمل لعبة ونشره على البرنامج واذا دخل شخص وشاف العبة وعجبته يقدر انه يشتريها وهي لسة قيد التطوير ويتابع تطوير اللعبة مع المطور.